Мұндай көмек кімдерге арналғаны белгілі болды, деп хабарлайды @Pavlodarnews.kz тілшісі.

Павлодар қаласы жұмыспен қамту және әлеуметтік бағдарламалар бөлімі WhatsApp мессенджері арқылы тараған зейнетақыға қосымша ай сайынғы 1700 теңге көлеміндегі төлем туралы ақпарат Павлодар қаласына қатысты емес екенін мәлімдеді. 

Көмек Павлодар қаласының аумағында тұрғын үйде тұратын және сол үйдің иесі болып саналатын аз қамтылған отбасыларға (азаматтарға) көрсетіледі. Бұл баспана меншік құқығындағы жалғыз тұрғын үй ретінде тіркелуі керек. 

Павлодар қаласының жұмыспен қамту және әлеуметтік бағдарламалар бөлімі мұндай мемлекеттік қызметті коммуналдық төлемдерді төлеу үшін  тағайындайды. 

– Көмек жалғыз тұрғын үй ретінде меншік құқығында Павлодар қаласының аумағында тұрақты тіркелген және тұрғын үйде тұратын аз қамтылған отбасыларға (азаматтарға) көрсетіледі. Коммуналдық төлемдер бойынша тұрғын үй көмегінің ең төменгі мөлшері айына 1,5 АЕК немесе 5175 теңге, тоқсанына – 15525 теңге, – дейді бөлімде. 

Тұрғын үй көмегін алу үшін  «Азаматтарға арналған үкімет» мемлекеттік корпорациясы» КЕАҚ (ХҚО),  «Электрондық үкімет» сайты www.egov.kz арқылы жүгінуге болады. 

Тұрғын үй көмегін тағайындау үшін қажетті құжаттар, жеке куәлік, балалардың туу туралы куәлігі, соңғы тоқсандағы табыс, соңғы тоқсандағы коммуналдық төлемдер, банк шоты керек.