Желдің жылдамдығы секундына 9–14 метрге дейін жетеді. Облыстың шығысы мен оңтүстігінде желдің екпіні секундына 15–20 метрге дейін күшейеді, деп хабарлайды @Pavlodarnews.kz тілшісі.

«Қазгидромет» РМК мамандарының мәліметінше, облыста түнде ауа температурасы +17...+22°C болады. Облыстың солтүстігінде, шығысында және оңтүстігінде өткінші жаңбыр жауып, найзағай ойнайды. Кей жерлерде бұршақ жауып, дауылды жел соғады.

Күндіз аптап ыстық сақталып, ауа температурасы +32...+37°C-қа дейін көтеріледі. Облыстың солтүстігінде, шығысында және оңтүстігінде өткінші жаңбыр, найзағай, бұршақ және дауылды жел күтіледі.

Павлодар қаласында түнде ауа температурасы +18...+20°C болады. Ауыспалы бұлтты, жауын-шашынсыз.

Күндіз ауа температурасы +33...+35°C-қа дейін көтеріліп, аптап ыстық болады. Ауыспалы бұлтты, өткінші жаңбыр жауып, найзағай ойнауы мүмкін.