Қала әкімдігі челлендж іске қосты, деп хабарлайды @Pavlodarnews.kz тілшісі.

Қазақстан халқы Ассамблеясының құрылғанына 30 жыл толуына арналған челлендж Ақсу қаласының 14-35 жас аралығындағы жастар арасында өткізіледі.

– Челленджді өткізудің мақсаты – жасөспірімдер мен жастарды виртуалды таныстыру, олардың таланттары мен қабілеттерін ашу, – дейді «Кенжекөл жастары» жастар қоғамдық бірлестігінің үйлестірушісі Жұлдыз Алдыбаева.  – Сондай-ақ, интернет желісінде оң қарым-қатынас жасау қабілетін дамыту және Ақсу өңірінде этносаралық келісімді одан әрі нығайтуға бағытталған. 

Челлендждің әрбір қатысушысы отандастарына алғыс айтып, «Қазақстан бірлігі – оның алуан түрлілігінде!», «Қазақстанға күлімде» хештэгтерімен өзінің Instagram парақшасында @kenzhekolzhastary парақшасымен бірлескен авторы бола отырып, жариялау керек. 

– Бейнероликтің ұзақтығы – 30 секундтан екі минутқа дейін болуы шарт.  Қатысушы қалауы бойынша челленджді басқа адамға жібереді. Көбірек лайк жинаған қатысушылар 2025 жылдың 9 наурызында жарияланып, сыйақы алады, – дейді Жұлдыз Алдыбаева.  

Ең көп лайк жинаған үш бейнеролик 30 мың теңге мөлшерінде ақшалай сыйақымен марапатталатын болады.