Медициналық пункт жыл соңына дейін ашылады деп күтілуде, деп хабарлайды @Pavlodarnews.kz тілшісі.

Ақтоғай ауданы әкімінің міндетін атқарушы Ермек Машырықов Шұға ауылында болып, су құбыры мен медициналық пункт құрылысының барысымен танысты.

– Сумен жабдықтау объектісіндегі жұмыстар аяқталуға жақын. Қазіргі уақытта аумақты асфальттау және сорғы станциясын іске қосу жұмыстары жүргізілуде. Нысанды тапсыру 2024 жылдың желтоқсан айының соңына жоспарланған, – деді әкімдікте. 

Медициналық пункт құрылыстың соңғы сатысында. Ішкі әрлеу жұмыстары аяқталды, қажетті медициналық жабдықтар жеткізілді. Қазіргі уақытта аумақты абаттандыру жұмыстары жүргізілуде.