Балалар мен оқушылардың жолақысы тегін болмақ, деп хабарлайды @Pavlodarnews.kz.

Бұл туралы Ақтоғай ауданының әкімі Қаршыға Арынов өзінің Instagram парақшасында мәлім етті. 

– Бүгіннен бастап Ақтоғай ауылы бойынша ауылішілік маршрут дүйсенбі-жұма аралығында күніне 3 рет жүретін болады,– деп жазды аудан әкімі.

Қозғалыс уақыты:

• таңертең: сағат 07:25-тен 09:05-ке дейін;
• түскі уақытта: сағат 12:00-ден 14:05-ке дейін;
• кешке: сағат 18:00-ден 18:50-ге дейін.

Жол ақысы мектеп жасына дейінгі балалар мен оқушыларға тегін, ал ересектер үшін 80 теңгені құрайды. 

Қозғалыс схемасында өзгерістер болуы мүмкін.