Олар су жүйесінің қазіргі жағдайын бағалап, жергілікті тұрғындарды сенімді сумен қамтамасыз ету мақсатында жүргізіліп жатқан жұмыстарды тексерді, деп хабарлайды @Pavlodarnews.kz тілшісі.

Облыстық филиалдың атқарушы хатшысы міндетін атқарушы Айнұр Мұхамедьярова және облыстық мәслихат депутаты Гүлмира Нұрханова Железин ауданының Моисеевка ауылына барып, жергілікті су жүйесінің қазіргі жағдайымен танысты. Бұл су құбыры жергілікті халықты тұрақты әрі сенімді сумен қамтамасыз ету үшін салынуда.

Мәжіліс депутаты Нұржан Әшімбетов осы жылдың шілде айында осы құрылысқа назар аударған болатын. Ол сол кезде жергілікті әкімдіктің жобалық құжаттаманы қайта қарау және қаржы бөлу жұмыстарын уақытылы атқарудың маңыздылығын атап өтті. Осы шаралардың нәтижесінде құрылыс жұмыстары жыл соңына дейін аяқталады деп күтілуде, бұл туралы жергілікті билік өкілдері хабарлады.

Железин ауданының нақты сектор бөлімі берген мәліметтер бойынша, биыл Есқара және Петропавловка ауылдарында су құбырлары салынған, ал бұрын Береговое ауылында су жүйесі іске қосылған еді. Моисеевка ауылында құрылыс-монтаж жұмыстары толық аяқталған, ал қалған міндеттер – аумақты абаттандыру, қоршаулар орнату жұмыстарын жүргізу.

– Жыл соңына дейін халық сумен толық қамтамасыз етіледі, – деп атап өтті Железин ауданының нақты сектор бөлімінің басшысы Ерқанат Серікбаев.

Партиялықтар ауылды жерлерде сапалы су жеткізу мәселесінің маңызды әрі басым бағыттардың бірі екендігін атап өтті. Бұл жобалардың жүзеге асырылуы ауылдық инфрақұрылымды жақсартудың негізін қалап, әрі қарай даму үшін үлкен мүмкіндіктер ашатын болады.