Тамырын тереңнен тартқан Шарбақтының тарихы 1928 жылы орталығы Вознесенское ауылымен Володарский ауданы құрылған кезден бастау алады. Үш жылдан кейін Шарбақты атауына өзгертіледі, деп хабарлайды @Pavlodarnews.kz.

Аймақ басшысы Шарбақты ауданының 95 жылдығына арналған тілегін өзінің Instagram парақшасында жазды.

- Бүгінде Шарбақты ауданы - өзіндік дәстүрлері, қызықты мәдениеті және жоғары экономикалық әлеуетімен қарқынды даму үстіндегі аудан. Өлкенің мақтанышы - Шалдайдағы ерекше таспалы қарағайлы орманы және облыстан тыс жерлерге де танымал шарбақтының Маралды емдік көлі. Бірақ, ауданның басты байлығы — қажырлы еңбек пен туған жерге деген сүйіспеншілігін жоғалтпаған тұрғындары.

Құрметті Шарбақтылықтар, сіздерге және жанұяларыңызға амандық, баянды бақыт және мықты денсаулық тілеймін! Ал, кішкентай отандарыңызға - өркендеу! Мереке құтты болсын, - деп жазды Асайын Байханов.