2023 жылдың сегіз айында Ақсу аймағында интернет-алаяқтықтың 48 фактісі  тіркелген, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, Ақсу қаласының полиция бөлімі интернет ресурстар арқылы интернет алаяқтықтың алдын алу және оған жол бермеу мақсатында  тұрақты негізде жұмыс жүргізуде.

– Қазіргі уақытта бүкіл Қазақстан бойынша интернет-алаяқтық жағдайлары жиілеп кетті. Алаяқтықтың танымал айла-тәсілдерінің бірі – Instagram әлеуметтік желісі, kolesa.kz, olx.kz,  krisha.kz жарнамалық сервистерінде тауарларды сату туралы хабарландырулар беру. Әдетте, алаяқтар құрбандарын төмен бағамен, тиімді ұсыныстармен тартады және қолма-қол ақшаны электронды әмиянға немесе банктік шоттарға аудару арқылы алдын ала төлемді аударуды талап етеді, – деді департаментте.

Тәртіп сақшылары интернеттегі банктік қызметтерге байланысты телефон нөмірін ешқашан көрсетпеуге кеңес береді. 

• Нөміріңізді және карта деректерін бейтаныс адамдарға бермеңіздер, промоутерлер әртүрлі конкурстарға немесе әлеуметтік желілерге қатысу үшін тарататын сауалнамаларда көрсетпеңіздер. 
• Телефон нөміріне электрондық пошта, әлеуметтік желі және электрондық әмиянды тіркемеңіздер.