Тәртіп сақшылары іздестіру жұмыстарын жүргізді, деп хабарлайды @Pavlodarnews.kz.

Облыстық полиция департаментінде WhatsApp желісінде Ақсуда белгісіз ер адамның кішкентай қыз балаға «шабуыл жасағаны» жайлы тараған ақпаратқа қатысты жауап берді.

– Полицияға тұрғындардан аталған дерекке қатысы бар арыз түскен жоқ. Полицейлер аталған ауданды аралап, ақпаратты растайтын дерек таппады, – деді департаментте.

Полиция қызметкерлері тұрғындардан тек ресми мәліметтерге сүйенуді сұрайды.

Айта кетерлігі, ҚР ҚК-нің 274 бабына сәйкес, жалған ақпарат таратқаны үшін жаза белгіленген.

Фото: Константин Шелков