Ер адамға қатысты жалған құжаттарды жасағаны үшін іс қозғалған, деп хабарлайды  Рavlodarnews.kz.

Облыстық полиция департаменті баспасөз қызметінің мәліметінше, Успен ауданының полиция қызметкерлері жедел іздестіру іс-шараларын жүргізу барысында мемлекетаралық іздеуде жүрген ер адамды ұстаған.

– 33 жастағы ер адамның Ресей Федерациясының азаматы және Саха Якутия Республикасының тұрғыны екендігі анықталды. 2022 жылы оған қатысты жалған құжаттарды жасағаны немесе өткізгені үшін Ресей Федерациясы Қылмыстық кодексінің 327-бабының 3-бөлігі бойынша қылмыстық іс қозғалған, – деді Успен ауданы полиция бөлімінің бастығы Асқар Аралбаев.

Сол жылы ер адамға Ресей ІІМ-нің Борзин ауданы бойынша Ресей ІІМ-нің Забайкальск өлкесі бойынша мемлекетаралық іздеу жарияланған. Оны ұстау туралы іздестіру бастамашысына хабарланды.