Омбы-Майқапшағай автожолында фура маркалы көлік жанған, деп хабарлайды  @Pavlodarnews.kz тілшісі.

Облыстық ТЖД баспасөз қызметінің мәліметінше, 1 ақпан күні сағат 08:36-да хабарлама түскен. Оқиға орнына келген өрт сөндірушілер жалпы ауданы 12 шаршы метр алаңда автокөлік тіркемесі қаптамасының жанып жатқанын анықтап, жалынды сөндірген. 

– Өрт сөндіру бөлімі келгенге дейін 20 бас ірі қара мал эвакуацияланды. Зардап шеккендер жоқ, – дейді департаментте. 

Құтқарушылар басқа көлік келгенге дейін шаруа қожалығына 35 бас ірі қара малды орналастыруға көмектесті. Автокөлік Тәжікстаннан Ресейге бет алған.