Бұл туралы аудан әкімі Instagram парақшасында мәлімдеді, деп хабарлайды @Pavlodarnews.kz тілшісі.

– Баянауыл ауданында биылғы жылы автомобиль жолдарын орташа және күрделі жөндеу бойынша жалпы ұзындығы 56 шақырымды құрайтын 9 жоба іске асырылуда. Жалпы жөнделетін жолдардың 37 шақырымы (4 жоба) аудандық маңыздағы жолдар болса, 19 шақырымы (5 жоба) ауылішілік жолдарды қамтиды. Олардың барлығы асфальтталады, – деп жазды аудан басшысы әлеуметтік желіде.

Сонымен қатар, аудан орталығы – Баянауыл ауылындағы жолдардың жағдайы бақыланды. Мұнда 9,5 шақырым ауылішілік жолдар асфальтталуда, бұл тұрғындар үшін қолайлы жағдай туғызады.

Әкімнің айтуынша, жақын күндері жұмыстар толығымен аяқталып, ауылдағы 21 көшенің жолдары тегістеледі. Бұл жұмыстар тұрғындардың жайлы жүріп-тұруы мен ауыл инфрақұрылымын жақсарту жолындағы маңызды қадам болып саналады. Жолдардың жөнделуі көлікпен де, жаяу да жүруді жеңіл әрі қауіпсіз етеді.