Байқау Астана қаласында болған, деп хабарлайды @Pavlodarnews.kz.

Облыстық білім беру басқармасының мәліметінше, Оқу ағарту министрлігі, Дарын РПҒО, «Аманат» партиясы, «Жастар рухы», «Әлихан Мақсұт атындағы дарынды балаларды қолдау фонды» бастамасымен ұйымдастырылған Әлихан Мақсұт атындағы «RoboZerde-2024» республикалық робототехника фестивалі өтті.

Облысымыздың намысын Баянауыл ауданы М.Көпеев атындағы ЖОББМ және Майқайың № 2 ЖОББМ оқушылары Қасиет Баян, Нұралы Исабек, Асылым Ибрагимова және Айым Уахит қорғады.

Республикалық фестиваль қорытындысы бойынша «Шығармашылық және ұлттық құндылықтар» номинациясы бойынша Майқайың № 2 ЖОББМ командасы III орын иеленді.

Ал М.Көпеев атындағы ЖОББМ командасы «Мерген» санаты бойынша J19 командасы абсолютті жеңімпаз атанып жеңіс кубогін иеленді.