Геосервиске кеншілер шаһарының толық 3D картасы енгізілді, деп хабарлайды @Pavlodarnews.kz.

Енді қала тұрғындары мен қонақтары Қазақстанда танымал мобильді қосымшаның көмегімен компаниялар мен орындарды таңдап, оларға оңтайлы маршруттар құра алады.

Екібастұз фирмаларының картасы, навигаторы және анықтамалығы 2gis.kz/ekibastuz сайтында, сондай-ақ Android және iOS үшін 2GIS мобильді қосымшасында қолжетімді.

2GIS Екібастұз қаласы мен Атығай, Құрылысшы ауылдарының картасын егжей-тегжейлі көрсетті. Сервисте 4 626 ұйым туралы өзекті анықтамалық ақпарат бар — жұмыс уақыты, байланыс нөмірлері, қызметтерге төлем жасау тәсілдері, тамақтану орындарындағы – орташа чек. Сонымен қатар, 2GIS ұйым мен үйге дұрыс кіретін есікке дейін көрсетеді.

Қосымшада автомобильдерге, жаяу жүргіншілерге және жүк көліктеріне арналған навигатор бар — Екібастұздың ішінде немесе республиканың басқа қалалары арасында маршруттар құруға болады. Дауыспен жол көрсететін навигатор ең қысқа жолды құрады, камералар, ЖКО, жол жұмыстары және жылдамдық бәсеңдеткіш туралы ескертеді.

2GIS пайдаланушылары карта мен анықтамалықты жақсырақ және толығырақ ете алады — басқаларға жөн табуды және жақсы орындарды таңдауды жеңілдету үшін орындар туралы пікірлер қалдырып, фотосуреттер қоса алады.

– Екібастұзға арналған 2GIS қосымшасында «Достар 2GIS картасыда» жаңа функциясы қолжетімді — бұл жақындарыңызбен байланыста болудың ыңғайлы тәсілі. Пайдаланушылар — әрине, өзара келісім бойынша — жақын адамдарының нақты орналасқан жерін көру,  тұрған жерімен бөлісу, реакциялар жіберу және тіпті бір рет басу арқылы досына маршрут құру үшін бір-бірін дос ретінде қоса алады — бұл байланыста болуға және бетпе-бет жиі кездесуге көмектеседі,– делінген хабарламада.

2GIS қосымшасы тегін және Google Play мен App Store дүкендерінде қолжетімді.

Интернетсіз карта мен анықтамалықты пайдалану үшін Екібастұз деректерін қосымшадан жүктеуге болады (мәзір → қалалар тізімі).

2GIS Қазақстанда он жылдан астам уақыт жұмыс істеп келеді. Ол алғаш Алматыда пайда болса, бүгінде Астана, Ақтау, Шымкент, Павлодар, Көкшетау, Қарағанды, Қызылорда және еліміздің көптеген қалаларында жұмыс істейді. Республикадағы сервистің аудиториясы айына 10 миллион белсенді пайдаланушыдан асады.