Сәйкес құжат ашық НҚА порталында жарияланды, деп хабарлайды @Pavlodarnews.kz тілшісі.

Ашық НҚА порталында қала әкімдігінің 2023 жылғы 17 шілдедегі «Екібастұз қаласының қалалық қатынастарында жолаушылар мен багажды автомобильмен тұрақты тасымалдауға сараланатын тарифті белгілеу туралы» №559/7 қаулысына өзгеріс енгізу туралы жоба пайда болды.

Қала әкімдігі қаулыға келесі өзгерістер енгізеді:

• қалалық қатынастарында жолаушылар мен багажды автомобильмен тұрақты тасымалдауға сараланатын тариф белгіленсін;
• интернет желісі және ұялы байланыс құрылғыларын қоса алғанда, электрондық төлеу жүйесі арқылы жол ақысын қолма-қол ақшасыз төлеу кезінде – 100 теңге, жол ақысын қолма-қол төлеу кезінде – 200 теңге.

Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.