Зардап шеккендер жоқ, деп хабарлайды @Рavlodarnews.kz.

Облыстық ТЖД баспасөз қызметінің мәліметінше, 19 маусым күні қатты желдің салдарынан  Бозшакөл ауылында Бозшакөл орта мектебінің 100 шаршы метр төбесі ұшып кетті. 

Сондай-ақ орталық қазандықтың да 100 шаршы метр төбесі табиғаттың тосын мінезіне төтеп бере алмады. 

Желдің жылдамдығы 17 м/с дейін құрады. 

Еске сала кетейік, 19 маусым күні қатты дауыл салдарынан Астана - Ерейментау - Шідерті тас жолында көшедегі сыртқы жарықтандырудың алты бағаны құлаған. Электр қуаты өшіріліп, бағандар жолдың жиегіне  шығарылды.