Жастар мәслихаты депутаттығына 16-35 жас аралығындағы жастар сайлана алады, деп хабарлайды @Pavlodarnews.kz тілшісі.

Қалалық Жастар бастамаларын дамыту орталығының мәлімдеуінше, жастар мәслихатының депутаттығына сайлау өткізіледі.

Мақсаты: Екібастұз жастарының рухани күш-жігерін арттыруға ықпал жасай отырып, сөз бостандығы мен ой бостандығын қалыптастыруға атсалысу.

Міндеті: Жастар арасындағы өзекті мәселелер мен ұсыныстарды «Жастар бастамаларын дамыту орталығы» коммуналдық мемлекеттік мекемесі арқылы тиісті органдарға жеткізу болып табылады.

Жастар мәслихатының құрылымы:

жастар мәслихаты депутаттығына 16-35 жас аралығындағы жастар сайлана алады;

жастар мәслихаты депутатының өкілеттігі 2 жыл;

Екібастұз қаласы Жастар мәслихат депутаттарына төсбелгі (мандат), куәлік табысталады.

Жастар мәслихат депутаттарына үміткерге қойылатын талаптар:

түйіндеме (мемлекеттік тілде);

3*4 (2 дана) және 10*15 (1 дана) фотосурет;

өмірбаян, мінездеме;

сайлауалды бағдарламасы;

кемінде 2 ұсыным хат;

жұмыс орнынан анықтаманы портфолио түрінде;

жетістіктер (диплом, алғыс хаттар) көшірмелері.

Екібастұз қаласының жастар мәслихаты депутаттығы кандидаттарына арналған жұмыс жоспары:

кандидаттарды тіркеу – 9 наурызға дейін;

кандидаттарды оқыту – 12-13 наурыз аралығы;

агитациялық жұмыстар – 14 наурыз 8 сәуір аралығы;

кандидаттар арасында пікірталас – 11 сәуір;

сайлау күні – 14 сәуір.

Бір мандат бойынша 2-ден жоғары кандидат болады.

Дауыс беруге 14-35 жас аралығында жастар қатысады.

Жастар мәслихатына 15 жас депутат болып сайланады.