Жұмысшылар жарақат алды, деп хабарлайды @Pavlodarnews.kz тілшісі.

Instagram әлеуметтік желісінде 17 қарашада сапасыз дәнекерленген автокранның себетінен екі электршілердің құлаған видеосы таралды. Жұмысшылардың айтуынша, олар барлық қауіпсіздік шараларын сақтаған.

Осы уақыт бойы олар автокранның себетін дайындаған «Горэлектросеть» ЖШС-ның мердігеріне қылмыстық іс қозғауға тырысты. Бірақ полиция жұмысшыларының бейресми жұмыс істеп жатқанын алға тартып, істі жауып тастады.

– Тергеу барысында зардап шеккендердің жарақат алу кезінде «Resurs-SQ2» ЖШС-мен еңбек қатынастарында болмағаны анықталды, сондықтан Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы жөніндегі комитетінің Павлодар облысы бойынша департаменті арнайы тексеру жүргізбеген, – деп жазды полиция департаменті.

Бірақ жағдайға қарамастан, жұмыс берушіге қатысты қылмыстық іс қозғалды.

– Сол күні осы ережелердің сақталуын ұйымдастыруға немесе қамтамасыз етуге жауапты тұлғаның абайсызда денсаулыққа зиян келтірген қауіпсіздік ережелерін бұзу фактісі бойынша қылмыстық іс қозғалды, – деп түсіндірді ведомствода.

Бірақ 8 ақпанда жүргізілген сотқа дейінгі тергеп-тексеруден кейін полиция қылмыстық құқық бұзушылықтың болмауына байланысты қылмыстық істі жабуға мәжбүр болды. Материалдар тексеру үшін жергілікті прокуратураға жіберілді.

Облыстық еңбек басқармасының хабарлауынша, электриктер қосымша тергеу мақсатында еңбек қатынастарын растау үшін сотқа жүгінген. Іс наурыз айында қаралады.