Сондай-ақ оған бас директордың міндетін уақытша атқару міндеті жүктелді, деп хабарлайды @Pavlodarnews.kz тілшісі.

Орман шаруашылығы және жануарлар дүниесі комитетінің бұйрығымен Қазбек Әметов «Ертіс орманы» табиғи резерваты бас директорының орынбасары лауазымына тағайындалды және бас директордың міндетін уақытша атқару міндеті жүктелді.

Қазбек Әметов 1977 жылы 12 наурызда дүниеге келген. Ол - орман шаруашылығы, құқықтану және іскерлік басқару оқуының магистрі. Павлодар қалалық мәслихатының VIII шақырым депутаты.

Орман шаруашылығы саласында еңбек өтілі 10 жылдан астам уақытты құрайды. Бұған дейін де орман шаруашылығы мекемелерінде басшылық қызмет атқарған. Орман шаруашылығы саласы бойынша халықаралық деңгейде тағылымдамадан, тәжірибе алмасу мен біліктілігін арттыру курстарын тәмамдаған.

Еске сала кетейік, «Ертіс орманы» табиғи резерваты бас директорының бұған дейінгі орынбасары пара алды деген айыппен қамалған болатын.