Полиция қылмысқа қатысы бар адамдарды іздестіруде, деп хабарлайды @Pavlodarnews.kz.

Облыстық полиция департаментінде аталған факті бойынша сотқа дейінгі тергеу басталғанын хабарлады. 

– Полиция ҚР ҚК-нің 299-1-бабы 1-бөлігі бойынша сотқа дейінгі тергеп-тексеруді бастады. Осы қылмысқа қатысы бар адамдарды анықтауға бағытталған жедел іздестіру іс-шаралары жүргізілуде, – деді  департаментте. 

Еске сала кетейік, Павлодарда бірнеше күннен бері  мәдени ескерткіштердегі тақтайшалардың QR-кодын сканерлеген кезде есірткі сататын дүкенге сілтеме ашылғаны белгілі болды. Қазірде бұл тақтайшалар облыстық мәдениет, тілдерді дамыту және мұрағат басқармасының  тапсырмасы бойынша алынып тасталды. 

Қалада жалпы QR-коды бар 280 тақтайша орнатылған болатын. Оларға қызмет көрсету  1,7 млн теңгеге бағаланған.

Фото: Константин Шелков