Оқиға орнында авариялық-құтқару жұмыстары жалғасуда, деп хабарлайды @Pavlodarnews.kz тілшісі.

Облыстық ТЖД бастығының міндетін атқарушы Олег Трещевтің айтуынша, топырақ пен тастардың опырылуы, сондай-ақ үйіндінің тереңдігі жұмыстарды қиындатуда. 

– Жергілікті жерге тартылған құтқарушылардың өміріне төнген қатерді жою үшін үйінді жиектерін тазарту және нығайту бойынша іс-шаралар жүргізілді, – дейді Олег Трещев.

ТЖД құтқарушылары қаза тапқан екі адамның денесін тауып, жердің бетіне шығарды. Авариялық-құтқару жұмыстарын жүргізуге ТЖ департаментінің, «Майқайыңзолото» АҚ, кәсіби әскерилендірілген авариялық-құтқару қызметтері Павлодар филиалының, жергілікті атқарушы органдардың күштері мен құралдары, барлығы 73 адам, 17  техника және бір ұшқышсыз ұшу аппараты – дрон жұмылдырылды.

Еске сала кетейік, шахта маңында қаза тапқан екі адамның есімдері белгілі болды. Олар – 24 жастағы Сарқыт Берліқан және 53 жастағы Олег Тышкевич.