Балалар нағыз сахналық қойылым дайындады, деп хабарлайды @Pavlodarnews.kz тілшісі.

Облыстық Төтенше жағдайлар департаменті баспасөз қызметінің мәліметінше, танымдық іс-шараға №104 балабақшаның тәрбиеленушілері қатысты.

Қызметкерлер жас қатысушыларға қауіпсіз мінез-құлық ережелері туралы айтып, сіріңкенің ойыншық еместігін түсіндірді. Балалар шараға белсенді қатысып, сұрақтарға қуана жауап беріп, тақырыптық байқауларда өздерінің білімдері мен ептіліктерін көрсетті.

– Балалар мен балабақша тәрбиешілері нағыз сахналық қойылым дайындады. Балабақша акт залы орманға айналып, оның ортасында нағыз «Мысық үйі» орналасты. Классикалық ертегіні балалар заманауи түрде ойнады. Батырлар өрт қауіпсіздігі ережелерін сақтаудың маңыздылығын айқын көрсетті. Сюжет өрбіген сайын кейіпкерлер әртүрлі жағдайларға тап болып, ережелерді сақтау арқылы қиындықтардан аман қалды, – делінген хабарламада.

Сонымен қатар, балабақшада өрт сөндіру көлігі, өрт, алғашқы өрт сөндіру құралдары бейнеленген өрт қауіпсіздігі бұрышы бар. Ал ғимарат қабырғаларында шұғыл қызметтердің нөмірлері орналасқан.

Ұйымдастырушылардың айтуынша, сабақтың бұл форматы балаларға маңызды ережелерді үйренуге ғана емес, сонымен қатар қауіпсіздік мәселелеріне жауапкершілікпен қарауды және зейінін дамытуды үйретеді.

Посмотреть эту публикацию в Instagram

Публикация от Павлодар Облысы Тжд (@112_pavlodar_tjd)