Павлодар - Астана автожолында жолаушылар автобусы отқа оранды
Жану аумағы 24 шаршы метрді құрады, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, сағат 10-50-де Павлодар - Астана автожолында Қалқаман кентінің маңында жолаушылар автобусы жанып жатқаны туралы хабарлама түскен.
– Оқиға орнына жеке құрамнан үш адам және № 13 өрт сөндіру бөлімінен бір техника шықты, – деді департаментте.
Автобуста жолаушылар болған жоқ, жүргізуші зардап шеккен жоқ.
Өрт сағат 11-07-де оқшауланып, сағат 11-14-де толық сөндірілді.
