Жинақталған берешегі төрт миллион теңгеден асты, деп хабарлайды @Pavlodarnews.kz.

Polisia.kz ақпараттық медиа-порталының мәліметінше, алимент төлеуден жалтарған ер адам өз табысы ресми тіркелмегенін мәлімдеген. Оның балаларына қарызы 4 205 245 теңгеге жетті. 

Қалалық  №2 сотының үкімімен ол ҚР ҚК-нің 139-бабы бойынша балаларды асырау міндеттерін орындамағаны үшін кінәлі деп танылды. 

– Сот оған бір жылға шектеулі еркіндік беріп, пробациялық бақылау тағайындады. Ер адам Қазақстан Республикасының қылмыстық кодексінің 44-бабының 1-бөлігіне сәйкес жылына 100 сағат мәжбүрлі еңбекке тартылатын болады, – делінген хабарламада. 

Павлодар ауданының пробация қызметінің бастығы Бейбіт Болатхановтың сөзінше, бұл жағдай балаларды асырау бойынша міндеттемелерді орындаудың маңыздылығын және осы міндеттемелерді орындамаудың жауапкершілігін көрсетеді.