Облыс әкімі Асайын Байханов Успен ауданының тұрғындарымен кездесті, деп хабарлайды @Pavlodarnews.kz тілшісі.

Ауа райының қолайсыздығына қарамастан, облыс әкімі ауыл тұрғындарының үмітін үзбей, жарияланған кездесуге уақытында Успен ауылына келді. Әкім алдымен ауданның әлеуметтік-экономикалық дамуының маңызды тұстарын қысқаша баяндап, одан әрі дамудың басым бағыттарын белгіледі.

Содан кейін микрофон ауыл тұрғындарына берілді. Әртүрлі сұрақтар қойылды. Мысалы, ауыл тұрғындары музыка мектебінің мәселесін көтерді. Қайта құру кезінде музыка мектебінің ғимараты жеке меншікке берілді, ол күні бүгінгі дейін сол қалпында. Болашақ музыканттардың өздері «Балдырған» балалар орталығында музыка өнерінің қыр-сырын меңгеруде. Ескі ғимарат 450 миллион теңгеге тұрды.

- Қолдауыңыз үшін рахмет! Аймақ дамып келеді, жолдар салынып жатыр, ауыл тұрғындары таза су ішеді – бұл өте маңызды, бірақ мәдени білім беру де маңызды. Балаларымыз кең мектепте оқыса екен дейміз, - дейді Успен тұрғындары.

Қазіргі уақытта мектепте сегіз мұғалім жұмыс істейді және 80 оқушы бар. Оларға домбыра, фортепиано, гитара, баян және басқа да аспаптарда ойнауды үйретеді. Жақында ауылдың баяншылары халықаралық байқауда бас жүлдені жеңіп алды.

- 450 миллион – бұл тым үлкен сома, - деді облыс әкімі. – Ғимарат сатып алынғаннан кейін жөндеу жұмыстары қажет болатынын, бұл тағы 500 миллионға түсетінін ескеруіміз керек. Бұл мәселеге көзқарасты өзгертуіміз керек – жаңа ғимарат салу оңайырақ сияқты. Жерді табыңыз, оны жобалайық, бірақ біз жаңа мектептің тек музыка мектебі ғана емес, сонымен қатар өнер мектебі болуын қамтамасыз етуіміз керек.

Кездесу барысында басқа да сұрақтар көтерілді. Асайын Байханов барлық өтініштерге егжей-тегжейлі жауап беріп, оларға шешімдер табуды тапсырды.