Әсет Сердалин – Солтүстік Қазақстан облысы Шал-ақын ауданы, Жаңасу ауылының тумасы, деп хабарлайды @Pavlodarnews.kz тілшісі.

Қазақстан Республикасы ТЖ Министрінің бұйрығымен 2025 жылғы 1 қаңтардан бастап азаматтық қорғау полковнигі Әсет Сердалин Павлодар облысы ТЖД бастығының бірінші орынбасары лауазымына тағайындалды.

Әсет Ерболұлының білімі жоғары. 2007 жылы ҚР ТЖМ Көкшетау техникалық институтын «Өрт қауіпсіздігі инженері» мамандығы бойынша тәмамдады.

2003 жылдың тамызынан 2007 жылдың шілдесіне дейін ҚР ТЖМ Көкшетау техникалық институтының курсанты болды.

Еңбек жолын 2007 жылы Солтүстік Қазақстан облысы бойынша өрт сөндіру және авариялық-құтқару жұмыстары қызметі филиалының Тайынша ауданы 15-ӨСБ қарауыл бастығы болып бастаған.

Кейінгі жылдары 2021 жылға дейін Солтүстік Қазақстан облысы ТЖД-да түрлі лауазымдарда қызмет етті.

2021 жылдан 2023 жылға дейін Маңғыстау облысының төтенше жағдайлар департаментінде өрт сөндіру және авариялық-құтқару жұмыстары қызметі бастығының орынбасары лауазымында қызмет етті.

2023 жылдан 2025 жылдың қаңтарына дейін  Атырау облысы төтенше жағдайлар департаментінің өрт сөндіру және авариялық-құтқару жұмыстары қызметі республикалық мемлекеттік мекемесінің бастығы болды.

Қызмет барысында мемлекеттік наградалармен 2016 жылы «Ерлігі үшін» медалімен, 2023 жылы II дәрежелі «Айбын» орденімен марапатталды.

Үйленген, үш баласы бар.