Прокурорлық қадағалау актісі бойынша облыс әкімдігімен пайда болған берешекті өтеу үшін 40 млн теңге өндірілді, деп хабарлайды  @Pavlodarnews.kz тілшісі.

Облыстық прокуратурасы баспасөз қызметінің мәліметінше, студенттердің құқықтары бұзылған. 

– Оқушылардың құқықтарының сақталуына жүргізілген талдау нәтижесінде медициналық колледж студенттеріне шәкіртақыны дұрыс  есептемеу фактісі анықталды, яғни шәкіртақының өскені ескерілмеген, – дейді прокуратурада. 

Нақтырақ айтсақ, 2023 жылғы 1 қыркүйектен бастап төлемдер мөлшерін арттыру бойынша заңнамалық түзетулер қабылданған. Оған сәйкес шәкіртақы 20 948-ден 31 422-ге дейін – 10,5 мың теңгеге  өскен. 

Дегенмен, ағымдағы оқу жылының басынан бері 965 студент ескі мөлшерлеме бойынша шәкіртақы алуды жалғастырған. 

Қазіргі уақытта студенттерге тиесілі барлық сомалар төленіп, кінәлі адамдар жазаланды.