Желдің жылдамдығы 9-14 метрге дейін жетеді, деп хабарлайды @Pavlodarnews.kz 

«Қазгидромет» РМК Павлодар облыстық филиалының мәліметінше, 20 маусым күні облыстың көп бөлігінде шаңды боран, найзағай, бұршақ пен жауын-шашын күтіледі. Күндіз сынап бағанасы +18...+23°C көрсетеді. 

21 маусымда жаңбырлы ауа райы сақталады. Облыстың оңтүстігінде желдің жылдамдығы 23-28 метрге дейін жетеді.  

22 маусым күні ауа температурасы түнде +10...+15°C көрсетсе, күндіз +22...+27 °C дейін барады. Аймақтың солтүстігі мен шығысында найзағай күркіреп, жаңбыр жауады. 

Жұма мен сенбі күндері облыстың оңтүстік және шығыс бөлігінде жаңбыр нөсерлеп, желдің жылдамдығы секундына 15-20 метрге дейін жетеді деп болжануда. 

Ал жексенбіде жауын-шашынсыз ауа райы болады деп күтілуде. Күндіз ауа температурасы +22...+25 °C көрсетеді

Фото: Константин Шелков