Кейбір тауарлар мен қызметтердің құны төмендеді, деп хабарлайды @Pavlodarnews.kz.

Павлодар облысында 2025 жылғы қазандағы тұтыну бағаларының индексі 100,3%-ды, азық-түлік тауарларына – 101,6%-ды, азық-түлік емес тауарларға – 101,3%-ды, ақылы қызметтерге – 97,6%-ды құрады.

Азық-түлік тауарлары тобында ет (ет өнімдерін қоса алғанда) 3,2%-ға, нан өнімдері мен жарма 2,2%-ға, майлар мен тоң майлар – 1,5%-ға, кондитерлік өнімдер – 0,9%-ға қымбаттады. Алкоголь өнімдері мен темекі өнімдерінің бағасы 0,3%-ға өсті.

Жемістер мен көкөністерден сәбіз 5,9%-ға, қырыққабат – 4,1%-ға, картоп – 3,9%-ға қымбаттады, сонымен қатар пияз бағасы 2,3%-ға, алма – 0,3%-ға арзандады.

Азық-түлік емес тауарлардың ішінде бензин 3,9%-ға, көмір – 1,8%-ға, фармацевтикалық өнімдер – 1,4%-ға, тұрмыстық техника – 1,2%-ға, киім-кешек пен аяқ киім – 1%-ға қымбаттады.

Тұрғын үй-коммуналдық шаруашылық саласында сумен жабдықтау тарифтері 40,4%-ға төмендетілді.