Зақымдарды жою үшін апаттық бригадалар құрылып, жедел штаб ұйымдастырылды, деп хабарлайды @Pavlodarnews.kz тілшісі.

22 қаңтар күні өңірде секундына 20-25 метр жылдамдықтағы қатты дауылды жел соғып, электр желілеріне зақым келтірді. Соның салдарынан тұрғын үйлер мен өндірістік нысандар электр қуатынсыз қалды.

Электр желілеріндегі зақымдарды жою үшін «ПЭТК» АҚ-ның 53 жедел бригадасы – 188 адам және 51 техника бірлігі жұмылдырылды. Сонымен қатар, компанияда апаттық бригадалар құрылып, жедел штаб ұйымдастырылды.

– Компанияда апаттық бригадалар құрылып, «ПАВЛОДАРЭНЕРГО» АҚ бас директорының төрағалығымен жедел штаб ұйымдастырылды, – деді «ПЭТК» АҚ бас директорының орынбасары Алексей Толстых. – Дауылдық ескерту басталғаннан бері сағат 18:00-дегі мәліметке сәйкес, 73 зақым анықталды, оның 67-сі жойылды.

Апаттық жұмыстар барысында табиғи жағдайлар қосымша қиындықтар туғызды. Жабылған жолдар арнайы техниканың қозғалуына кедергі келтірсе, мұзды екпінді жел жөндеу жұмыстарын қиындатты.

– Таңертең жөндеу жұмыстарын жүргізу мүмкін болмады, себебі мамандарды зақымдарды жою үшін мұнараға көтеру қауіпті болды. Тек сағат 14:00-ден кейін желдің екпіні басылып, біз зақымдарды жоюға және осы желіден қуаттанатын өндірістік нысандарды қосуға кірістік, – деп мәлімдеді «ПЭТК» АҚ қалалық электр желілері кәсіпорнының бас инженері орынбасары Юрий Волошанин.

Электрмен жабдықтауды қалпына келтіру жұмыстары жалғасуда.

Посмотреть эту публикацию в Instagram

Публикация от AO "ПАВЛОДАРЭНЕРГО" (@aopavlodarenergo)