Ауа райының нашарлауына байланысты көліктің барлық түрлері үшін жол жабылды, деп хабарлайды @Pavlodarnews.kz.

Облыстық ТЖД баспасөз қызметінің мәліметінше, сағат 08.40-та жаңбыр мен көктайғаққа байланысты республикалық маңызы бар учаскеде Павлодар - Успен - РФ (0-152 км),  Ресей  шекараларына дейін көліктің барлық түрлеріне жол жабылды.

Сондай-ақ республикалық маңызы бар Павлодар - Шарбақты - РФ учаскесінде автотемір жолы (0-112 ш), Павлодардан Ресей шекарасына дейін көліктің барлық түрлері үшін жол жабылды.

Кеше  боран салдарынан Қызылорда - Павлодар тас жолының Ленин кентінен Екібастұзға дейінгі бөлігінде көлік қозғалысы шектелген болатын.