Оған меншік нысанына қарамастан, меншік құқығында немесе өзге де заңды негізде көлік құралдары бар кез келген жеке және заңды тұлғалар қатыса алады, деп хабарлайды @Pavlodarnews.kz.

Облыстық жолаушылар көлігі және автомобиль жолдары басқармасы республикаішілік жолаушылар мен багажды автомобильмен тұрақты тасымалдау бағытына қызмет көрсетуге конкурстың өтетінін хабарлайды. Конкурс 3 маусым күні сағат 11:00-де болады.  

Конкурсқа келесі бағыттар шығарылады:

Лот № 1 Павлодар-Өскемен-Павлодар;

Лот № 2 Ертіс-Павлодар-Ертіс;

Лот № 3 Ақтоғай-Павлодар-Ақтоғай;

Лот № 4 Павлодар-Аққулы-Бесқарағай;

Лот № 5 Қалқаман-Павлодар-Қалқаман;

Лот № 6 Лесное-Павлодар-Лесное.

Конкурсқа қатысуға ниет білдіргендер  облыстық жолаушылар көлігі және автомобиль жолдары басқармасына құжаттар пакетін алуға өтінімді жазбаша ұсынады. Өтінімді Жеңіс алаңы 5 Б, мекенжайындағы 708 кабинетке немесе zholoman.dulat@pavlodar.gov.kz. электрондық пошта арқылы қалдыруға болады. 17 мамырда құжаттарды алуға өтінімдерді және конкурсқа қатысуға өтінімдерді қабылдаудың соңғы күні болып табылады. Ал 29 сәуірде сағат 15:00-де конкурстық комиссия конкурс алды конференция өткізеді.

Туындаған сұрақтар бойынша 32-72-07 телефоны арқылы жүгінуге болады.