500-ге жуық адамға  берешектері туралы ескертілді, деп хабарлайды @Pavlodarnews.kz тілшісі.

Облыстық полиция департаментінің баспасөз қызметінің мәлімдеуінше, әкімшілік құқық бұзушылық туралы қаулылардың орындалуын бақылауды күшейту мақсатында Павлодар қаласының аумағында «Борышкер» жедел-профилактикалық іс-шарасы өткізілуде.

- Алғашқы күні полицейлер тұрғындардан миллион теңгеден астам ақша өндіріп алды. Сонымен қатар, мамандандырылған автотұраққа 3 көлік қойылды. Бұдан бөлек, 500-ге жуық адамға  берешектері туралы хабарланды. Бұл дегеніміз, барлық құқық бұзушылар өздерінің бұзушылықтарының ұмытылмағанына және жол қозғалысының басқа қатысушыларына қауіп төндірмей, көлік құралдарын бұдан әрі мұқият жүргізетіндеріне көз жеткізді, - деді Павлодар қаласы ПБ бастығының бірінші орынбасары Арман Қаптаев.

Спикер Қазақстан Республикасының Әкімшілік құқық бұзушылық туралы Кодексіне сәйкес айыппұл арқалаушы сол сәттен бастап 7 күн ішінде төлесе оған 50% жеңілдік бар екенін еске салды. Азаматтар өз айыппұлдарын электронды үкімет порталында онлайн режимінде тексеріп, төлей алады.