Павлодар қаласының әкімдігі 16 Мемлекеттік сатып алу шарттарын жасасты, деп хабарлайды @Pavlodarnews.kz тілшісі.

Сыбайлас жемқорлыққа қарсы  іс-қимыл қызметінің жұмысында негізінен сыбайлас жемқорлықтың алдын алуға мән беріледі. Оның пайда болу себептерін жоюды және қоғамда сыбайлас жемқорлыққа қарсы иммунитетті қалыптастыруды қамтиды.

Қазақстан Республикасы Сыбайлас жемқорлыққа қарсы іс-қимыл агенттігінің Павлодар облысы бойынша департаментінің басшысы Медет Амралиновтың мәлімдеуінше, 2021 жылы әкімдік Павлодар қаласының ескі кварталдарын кешенді қайта құру бағдарламасын бекітті. Оны іске асыру шеңберінде апатты және ескі тұрғын үйлерді түгендеу, сондай-ақ тұрғын үй иелерінің бағалау және келісу рәсімдері жүргізілді.

Бұзылатын ескі тұрғын үй иелерін тұрғын үймен қамтамасыз ету үшін Павлодар қаласының әкімдігі екі ЖШС-мен тұрғын үй-жайларды, яғни пәтерлерді жалға алу бойынша 16 Мемлекеттік сатып алу шарттарын жасасты. Соның негізінде бюджеттен шамамен бір миллиард теңге, оның ішінде жалпы сомасы 100 миллион теңгеден астам ҚҚС төленді.

Салық кодексіне сәйкес тұрғын үйді жалға беру немесе қосалқы жалдау үстеме құн салығынан босатылады. Сонымен қатар, екі ЖШС-нің де меншік құқығында тіркелген жылжымайтын мүлік объектілері, яғни пәтерлер жоқ екендігі анықталды. Қарапайым өнімді емес делдалдар қызметі пәтерлерді жалға беру арқылы азайтылды.

Салық заңнамасын бұза отырып, Павлодар қаласының ТКШ бөлімі мен тұрғын үй қатынастары бөлімі аталған ЖШС-мен шарттар, пәтерлерді жалға алуға арналған шарттар жасасу кезінде жылдан жылға шарттың құнын ҚҚС-тың жалпы сомасын негізсіз енгізді.

Сыртқы талдау нәтижелері бойынша әкімдікке жоғарыда көрсетілген шарттар бойынша негізсіз төленген ҚҚС сомаларын өндіріп алу туралы ұсыныс берілді.

Бүгінгі таңда әкімдік сомаларды өндіріп алу туралы сотқа бірнеше талап-арыз берді.