Қаңтардың басында күн жылынады, деп хабарлайды @Pavlodarnews.kz.

«Қазгидромет» РМК-ның мәліметінше, 31 желтоқсанда сынап бағанасы түнде  -10...-15°С, ал күндіз -6...-11°С-ты көрсетеді. 

1 қаңтарда жауын-шашынсыз болады. Ауа температурасы түнде  -12...-17°С, ал күндіз  -3...-8°С суық болады деп күтілуде.

2 қаңтарда күндіз облыстың оңтүстігінде, шығысында қар жауып, боран соғады. Сынап бағанасы түнде  -5...-10°С, ал күндіз  -1...-6°С  көрсетеді. 

3 қаңтарда күндіз облыстың оңтүстігінде, шығысында қар аралас жаңбыр жауып, көктайғақ болады. Ауа температурасы түнде  -5...-10°С, ал күндіз  -2...+3°С-қа дейін жылынады.

Сенбіде  облыстың батысында, оңтүстігінде көктайғақ, солтүстігінде, шығысында боран соғады. Сынап бағанасы түнде және күндіз -2...+3°С-ты көрсетеді. 

Жексенбіде күндіз облыстың оңтүстігінде, шығысында аздаған жауын-шашын күтіледі. Ауа температурасы түнде және күндіз  -3...+2°С жылы болады.