Құқық қорғау органдары 21 жыл бұрын жасалған кісі өлтіру қылмысын ашты, деп хабарлайды @Pavlodarnews.kz тілшісі.

ҚР Ішкі істер министрлігінің мәлімдеуінше, Астана қаласында 2005 жылы зорлық-зомбылық белгілері бар ер адамның мәйіті табылған. Сол кезде қылмысты ашуға қажетті айғақтардың болмауы себепті тергеу нәтижесіз қалған.

Биыл полиция қызметкерлері архивтік материалдарды қайта зерделеп, қосымша жедел-іздестіру іс-шараларын жүргізді. Нәтижесінде қылмысқа қатысы бар деген күдікпен Павлодар облысының екі тұрғыны анықталды.

Күдіктілер тамыз айында ұсталып, өз кінәларын мойындаған. Қазіргі уақытта екі азамат та қамауда отыр.

– Өткен жылдардағы қылмыстарды ашу Ішкі істер министрлігінің ерекше бақылауында, – деді ІІМ Криминалдық полиция департаментінің бастығы Қанат Нұрмағамбетов.

Қазіргі таңда тергеу амалдары жалғасып жатыр.