Оған 8-16 жастағы жүзден астам оқушы қатысты, деп хабарлайды @Pavlodarnews.kz.

Құрманғазы атындағы балалар музыкалық мектебінде он ұжымның қатысуымен дәстүрлі «Ансамбльдер шеруі» концерті өтті.

— Оқушылар ансамбльде ойнағанды жақсы көреді. Біздің мектепте ансамбльдік орындаушылық оқу үдерісіне кіріктірілген, балалар музыкалық ұжымдарда қуана ойнайды, — дейді мектеп басшысының орынбасары Нұрлан Қайшанов.

Сахнада қазақ халық аспаптар оркестрінің оқушылары (жетекшісі — Қуаныш Ермекбаев), «Карусель» орыс халық аспаптар оркестрі (Светлана Иванова, Анастасия Ильченко), «Серпін» фольклорлық ансамбльдері (Әнуар Құрманғали), «Шашу» (Жұлдыз Сағитова), «Астурия» гитаристер ансамблі (Иван Кузякин), қобызшылар ансамблі «Сарыарқа» (Гүлмира Тезекбаева), «Задоринка», «Қасық» ансамблі (Светлана Иванова), «Квинта» скрипкашылар ансамблі (Наталья Маурер), «Эллада» флейташылар ансамблі (Олег Пилигримов), «Janniks» аспаптық ансамблі (Олег Гонтова, Евгения Лысова) өнер көрсетті.

— Сахнада түлектерді, жоғары сынып оқушыларын және алғашқы шығармашылық қадамдарын жасап жатқан музыканттарды көруге болады. Ансамбльде өнер көрсету жеке ән айтуға қарағанда әлдеқайда қиын және жауапты, — дейді Қуаныш Ермекбаев.

Әсіресе «шеру» үшін ұйымдастырушылар қызықты бағдарлама дайындады. Балалар қазақстандық және шетелдік авторлардың жиырмадан астам шығармасын орындады.