Олар биометриялық сәйкестендірусіз несие берген, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, телефон арқылы алаяқтықпен байланысты жағдайлардың таралуына және зардап шеккендерге кредиттердің ресімделуіне байланысты банк қызметкерлеріне қатысты өкілеттіктерді теріс пайдалану фактісі бойынша қылмыстық істер тіркелді. 

– Мысалы, екінші деңгейдегі банктер мен микроқаржы ұйымдарының қызметкерлері өз міндеттерін жосықсыз орындады, яғни жәбірленушілердің тұлғасын биометриялық сәйкестендірусіз несие берген, – дейді департаментте. 

Тиісті тергеу амалдары жүргізіледі. Тергеу жалғасуда. 

Айта кетерлігі, жыл басынан бері өңірде 173 алаяқтық тіркелді, оның 126-сы ақпараттық технологиялар саласына қатысты.