Борышкердің көлігі айып тұрағына қойылды, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, «Кибер-шериф» кешені «Lada-21703» маркалы автокөлікті тіркеді. 

– Жүргізуші тоқтатылып, тексеру барысында оның айыппұлдар мен банктік несиелер бойынша шамамен бес миллион теңге көлемінде қарызы бар екені анықталды. Көлік құралы қарыз толық өтелгенге дейін арнайы тұраққа қойылды, – деді Павлодар қаласы ПБ патрульдік полиция батальоны қызметінің инспекторы Жандос Мейрамғазы.

Ведомство мәліметінше, жыл басынан бері қарызы бар 12 автокөлік арнайы тұрақтарға орналастырылған.