Еrtis Рromenade сахнасында үш күн қатарынан концерттік бағдарламалар ұйымдастырылады, деп хабарлайды @Pavlodarnews.kz тілшісі.

Павлодар қаласы мәдениет және тілдерді дамыту бөлімінің мәліметінше, қала тұрғындары үшін 4 тамыз күні кешкі сағат 20:00-де  бас сахнада Успен ауданының өнерпаздары концерттік бағдарлама көрсететін болады. 

Ал 5 тамыз күні «Еrtis Рromenade» сахнасында кешкі сағат 19:00-ден 22:00-ге дейін бишілердің шайқасы өтеді. Павлодарлықтар бұл сайыста Қазақстанның түкпір-түкпірінен келген бишілердің өнерлерін тамашалай алады.

Сенбіде спортпен айналысатындар үшін басты сахнада тегін жаттығулар өткізіледі. Ол сағат 9:00-10:00 дейін болады. 

Жексенбіде кешкі сағат 19:00-де  сахнада Аққулы ауданының өнерпаздары концерттік бағдарлама қойып, павлодарлықтардың көңілін көтеруге дайындалуда.