Тұлға бейнебақылау камераларының көмегімен анықталды, деп хабарлайды @Pavlodarnews.kz тілшісі.

Баланың ата-анасының айтуынша, 2016 жылы туған ұлы мектептен үйіне қайтып келе жатқанда, оның артынан белгісіз ер адам еріп жүрген. Кіреберіске кірген кезде, ол баланы ұстап алып, күшпен жібермей қойған және оны өз ұлым деп сендірген.

Сол сәтте кіреберіске кіріп келген курьер баланы қорғап, ер адамды шегінуге мәжбүрледі. Ата-анасы оған ерлігі үшін үлкен алғыс білдірді.

Оқиға бейнебақылау камераларына жазылған.

– Тұлға бейнебақылау камераларының көмегімен анықталды. Ер адам ұсталып, полиция бөліміне жеткізілді, – деді облыстық полиция департаментінің баспасөз қызметі.

Жауапкершілікке тарту үшін материалдар жиналды, материалдар сотта қаралды. Сот процесінен кейін ер адам ауруына байланысты мамандандырылған медициналық мекемеге орналастырылды.

Посмотреть эту публикацию в Instagram

Публикация от Организация (@dp_pavlodar)