Жүргізушіге қатысты әкімшілік материал толтырылды, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, өткен тәуліктің өзінде патрульдік полиция батальонының инспекторлары мас күйінде  автокөлік жүргізген үш жүргізушіні тоқтатты.

– Мас күйінде көлік құралын жүргізуге жол берілмейді, бірақ кейбір жүргізушілер бұл бұзушылықтың салдары туралы ойланбайды.  Мысалы, Жеңіс алаңы көшесінде «Мерседес» маркалы  автокөлігі күдік туғызды. Күдікті медициналық куәландыру нәтижелері растады, 23 жастағы жүргізуші есірткіге мас болған, – деді Павлодар қаласы полиция басқармасы патрульдік полиция батальонының командирі Айдар Сламбеков. 

Автокөлік айып тұрағына қойылды. Жүргізушіге қатысты әкімшілік материал толтырылып, сотқа жіберілді, оның шешімімен 15 тәулік мерзімге әкімшілік қамауға алу және жеті жыл мерзімге көлік құралын жүргізу құқығынан айыру түрінде шешім қабылданды.

Айта кетерлігі, тәртіп сақшылары жыл басынан бері облыста көлік құралын мас күйінде басқарған 27 жүргізушіні жазалады.