Басымдық – олардың жұмыс пен оқу орындарына баруына беріледі, деп хабарлайды @Pavlodarnews.kz тілшісі.

Қалалық жұмыспен қамту және әлеуметтік бағдарламалар бөлімінің мәліметінше, инватакси апаратын бағыттар нақты ережелермен шектелген.

Инватаксимен баруға рұқсат етілген орындар:

• жұмыс пен оқу орны;

• жергілікті мемлекеттік органдар, сот және прокуратура;

• әлеуметтік сала мекемелері;

• заңгерлік кеңес пен нотариус;

• медициналық ұйымдар (жедел жәрдем жағдайынан басқа);

• әуежай, теміржол және автовокзал, өзен порты;

• арнайы әлеуметтік қызмет көрсететін ұйымдар;

• спорттық-сауықтыру және мәдени-бұқаралық іс-шаралар;

• шіркеу мен мешіт (аптасына бір рет);

• дүкендер, жәрмеңке мен базарлар, қонаққа бару (аптасына бір рет);

• Павлодар қаласы аумағындағы демалыс аймақтары, соның ішінде «Мойылды» шипажайы;

• Павлодар қаласына қарасты ауылдық елді мекендер.

– Қызмет алдымен жұмыс істейтін, оқитын немесе мектепке дейінгі ұйымдарға баратын мүмкіндігі шектеулі жандарға көрсетіледі. Қалған азаматтарға инватакси өтініш беру ретіне қарай қызмет көрсетеді, – деді бөлім мамандары.

Сонымен қатар, егер тұрғындар барғысы келетін орын тізімде көрсетілмесе, оны растайтын құжат ұсынуы қажет.