Білім бөлімінің өкілдері лагерьді тексеріп қайтты, деп хабарлайды @Pavlodarnews.kz тілшісі.

Қалалық білім бөлімінің басшысы Қуаныш Қыдыралиннің мәліметінше, ата-аналардан Мичурин ауылында орналасқан «Балдәурен» оқу-сауықтыру орталығында балалар тоңып жатыр деген шағымдар келіп түскен. Жағдайды түсіну үшін білім беру басқармасының өкілдері аталмыш лагерьге барған. Күні кеше демалыс аймағына 54 бала барған. Олар үш корпусқа орналастырылды. Лагерьде барлығы бес ғимарат бар.

– Өткен кезеңде жылытуға қатысты мәселелер болды, бірақ былтыр қазандық ауыстырылды. 900 тонна көмір сатып алынды. Ыстық су 2023 жылы сатып алынған су жылытқыштар арқылы беріледі, – дейді Қуаныш Қыдыралин.

Білім беру бөлімінің басшысы жыл сайын жылыту маусымына дайындық кезінде жөндеу жұмыстары жүргізілетінін атап өтті. Корпустардағы температура режимі 20-дан 22 градусқа дейін, бірақ далада температураның жоғарылауына байланысты екінші қазандықтан жылу беру уақытша тоқтатылған. Шағымдарға байланысты бүгінгі күні екінші қазандық қайта іске қосылды.

Егер балалардың лагерьде демалуына қатысты сұрақтар болса, +7 707 608 1135 нөмері арқылы сұрауға болады.