Балалар туған өлкенің геологиясы мен табиғатын зерттейді, деп хабарлайды @Pavlodarnews.kz.

Оған кез келген жеткіншек қатыса алады. Павлодар География үйінің басшысы Александр Вервекиннің айтуынша, жас геологтар теорияны оқып қана қоймай, өзін-өзі тәрбиелеу, дамыту дағдыларын жетілдіруге мүмкіндік алады. 

«Агат» студиясын геология ардагері, «ПавГео» қоғамдық бірлестігінің мүшесі Дина Лепихина басқарады. Студияда оқу екі жылға созылады. 

– Бірінші жылы балаларды теориялық дайындық, тәжірибелік сабақтар, экспедициялар күтеді. Екінші жылы тәжірибе жинақтау, теориялық білімді кеңейту, жаңа экспедициялар қарастырылған, – деді Александр Вервекин. – Балалар мамандықпен ерте танысудың бірегей мүмкіндіктеріне ие болып, болашақ мансап жолын таңдай алады, жас геологтардың облыстық және республикалық олимпиадаларына қатысады, ғылыми-зерттеу қызметіне қосылады, түрлі деңгейдегі конференцияларда баяндамалар жасайды. 

«Агат» балалар геологиялық студиясының сабақтары Павлодар қаласындағы География үйінде Луговая көшесі, 16 (Инвесторлар үйі), 10-қабат мекенжайы бойынша өтеді.