Оқиға 29 маусым күні сағат 22:27 шамасында орын алған, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, Павлодар қаласының полициясына Мәшһүр Жүсіп - М.Горький көшелерінің қиылысында трамвай вагонының жүргізушісі 1965 жылы туған жаяу жүргіншіні қағып кеткені туралы хабарлама түскен.

– ЖКО салдарынан жаяу жүргінші алған жарақаттарынан оқиға орнында қайтыс болды. Оқиғадан кейін жүргізуші апат орнынан кетіп қалған. Кейін трамвай анықталды, тексерілді және мөрленді. Оқиғаның мән-жайы мен себептері анықталуда, – деді баспасөз қызметінде. 

Осы факті бойынша полиция ҚР Қылмыстық Кодексінің 345-бабы 3-бөлігі бойынша сотқа дейінгі тергеп-тексеруді бастады. Қажетті сараптамалар тағайындалды.

Фото: Константин Шелков