Ол батырларымызға тағзым ретінде қолөнер туындыларын арнады, деп хабарлайды @Pavlodarnews.kz тілшісі.

– Жеңіс күні қарсаңында №45 түзеу мекемесінде жазасын өтеп жатқан сотталған азамат тарихи жадымызға деген құрметін ерекше түрде білдірді. Ол қазақ халқының даңқты батырлары – Бауыржан Момышұлы мен Әлия Молдағұлованың портреттерін салып шықты. Туындылар ерекше ұқыптылықпен және ішкі ықыласпен орындалған. Сотталған бұл әрекеті арқылы ұлы тұлғалардың ерлігі мен батырлығына деген алғысын және тағзымын білдірді, – деді облыстық қылмыстық-атқару жүйесі департаментінің баспасөз қызметі.

Мекеме әкімшілігінің айтуынша, мұндай бастамалар сотталғандардың бойында патриоттық рухты қалыптастырып, ел тарихына деген құрметті арттырады. Сонымен қатар, бұл – қоғам алдындағы жауапкершілікті сезінуге және рухани тәрбиені нығайтуға бағытталған маңызды қадам.

Аталған жұмыстар мерекелік шара аясында мекеме қабырғасында көрмеге қойылып, қызметкерлер мен өзге де жазасын өтеушілерге ұсынылды.

Посмотреть эту публикацию в Instagram

Публикация от Павлодар облысы бойынша ҚАЖ Департаменті (@duis_pavlodar)