Жол-көлік оқиғасына кінәлі жүргізушіні әкімшілік жаза күтіп тұр, деп хабарлайды @Pavlodarnews.kz.

Павлодар облысы полиция департаментінің баспасөз қызметінің мәлімдеуінше, ЖКО 1 қарашада сағат 9:04-те Кенжекөл – Ақсу автожолының 4-ші шақырымында орын алған.

- Kia Rio мен ПАЗ-4234 автобусы соқтығысқан. Зардап шеккендер жоқ. Жол-көлік оқиғасы фактісі бойынша Kia жүргізушісіне қатысты ҚР ӘҚБтК 610-бабы бойынша әкімшілік іс қозғалды, - делінген хабарламада.

Еске сала кетейік, павлодарлық полицейлер жүргізушілерді жолда абай болуға шақырған болатын. Полицейлер жүргізушілерге жылдам маневр жасамауға, жылдамдықты  арттырмауға және тежегіштер жасамауға кеңес береді. Сондай-ақ қауіпсіз қозғалыс жылдамдығын таңдаған жөн. Айналым учаскелерден, өткелдерден, жаяу жүргіншілер өткелдерінен, трамвай жолдарынан аса сақтықпен өту қажет.