Істі қалалық әкімшілік құқық бұзушылықтар жөніндегі мамандандырылған сот қарады, деп хабарлайды @Pavlodarnews.kz тілшісі.

Сотта 2024 жылдың желтоқсанында 1951 жылы туған азамат И.-нің алкогольдік масаң күйде «Toyota» маркалы көлік құралын басқарғаны анықталды.

Сот отырысында азамат И. құқық бұзушылық фактісін мойындады. Жасалған құқық бұзушылықтың мән-жайлары әкімшілік құқық бұзушылық туралы хаттамамен, медициналық куәландыру қорытындысымен және бейнежазбамен расталды.

Әкімшілік құқық бұзушылық туралы кодекстің 50-бабы 2-бөлігіне сәйкес, елу сегіз жастан асқан әйелдерге қамаққа алуды қолдануға болмайды. Сол себепті сот азамат И.-ні ӘҚБтК-нің 608-бабы 1-бөлігі бойынша кінәлі деп танып, оған 7 жыл мерзімге көлік құралын басқару құқығынан айыру түріндегі жаза тағайындады.

Қаулы заңды күшіне енді.