Зардап шеккендер жоқ, деп хабарлайды @Pavlodarnews.kz.

Облыстық ТЖД-ның хабарлауынша, 11 желтоқсанда таңғы сағат 06:19-да Теміржолшылар кентінде орналасқан жеке тұрғын үйдің шатыры жанғаны туралы хабарлама түскен. 

Өрт сөндіру қызметінің қызметкерлері оқиға орнына дереу жетті. 

– Кірпіш үйге қосалқы тұрған қазандықтың шатыры, сондай-ақ үйдің қаптамасы жанғаны анықталды. Өрттің жалпы ауданы 50 шаршы метрді құрайды, – деді департаментте. 

Үй иелері оқиға орнында болған.  Құрбандар мен зардап шеккендер жоқ. 

Тілсіз жауды сөндіруге екі техника мен 12 қызметкер жұмылдырылды.  Өрт сағат 07:38-де сөндірілді.